प्रथम एका भांड्यात मैदा घेऊन त्यात पिठीसाखर, बेकिंग सोडा, बेकिंग पावडर, मीठ, व्हॅनिला इसेन्स, बटर घालून मिक्स करावे मग यात गरजेनुसार दही घालून हे मिश्रण मळून त्याचा एक गोळा तयार करून घ्यावा. या गोळा अर्धा तास झाकून ठेवावा.

अर्ध्या तासाने या गोळ्याची एक पोळी लाटून घ्यावी. त्या पोळीवर एका ग्लासच्या साहाय्याने डोनट साठी गोलाकार आकार देऊन घ्यावा. त्याच्या मधोमध अजुन एक छोटा गोल आकार करून घ्यावा. जास्तीचे पीठ काढून डोनट बनवून घ्यावे.

हे डोनट तळण्यासाठी एका कढईत तेल गरम करून मंद आचेवर पूर्ण पणे फ्राय न करता ८०% फ्राय करावे.

एका बाउल मध्ये अंड घेऊन त्यात मीठ टाकून ते चांगले फेटून घ्यावे. आता हे तळलेले डोनट त्या अंड्यामध्ये घोळवून घ्यावे.

हे घोळवून घेतलेले डोनट परत तेलात सोडून दोन्ही बाजूने खरपूस तळून घ्यावे.