कोथिंबीर निवडून स्वच्छ धुवून, निथळत ठेवणे. कोथिंबीर कोरडी झाल्यानंतर बारीक चिरून घेणे.

एका बाऊल मध्ये मैदा, बेसन पीठ, हळद, लाल तिखट, मीठ घालून मिक्स करून घेणे. तेल गरम करून या पिठात घालून मिक्स करून घेणे. थोडे थोडे पाणी घालून घट्ट पीठ भिजवून घेणे. पीठ झाकून पंधरा मिनिटे बाजूला ठेवणे.

गॅसवर पॅन गरम करत ठेवून, त्यात थोडे तेल घालणे. तेल तापले की त्यात जिरे - मोहरी घालून परतणे. कोथिंबीर घालून 2-3 मिनिटे परतणे. नंतर शेंगदाण्याचा कुट खसखस धने पूड हळद लाल तिखट मीठ घालून एक मिनिट परतणे खोबरे घालून छान एकजीव करून घेणे गॅस बंद करणे

मिश्रण थंड झाल्यानंतर वडी करण्यास घ्यावे. पीठ पुन्हा एकदा छान मळून घ्यावे. त्याचा छोटा गोळा घेऊन गोल पुरी लाटून घेणे. मध्यभागी सारण आयताकृती घालून घेणे.पोळीची एक बाजू मिश्रणावर ठेवणे. त्याला पाण्याचे बोट लावून घेणे. पुन्हा दुसरी बाजू त्याच्यावरती ठेवून दाबणे. राहिलेल्या दोन्ही बाजूंना पाण्याचा हात लावून घेणे. दोन्ही बाजूंनी दुमडून किंचीत दाबून घेणे. अशाप्रकारे सर्व वड्या तयार करून घेणे.

गॅसवर कढईत तेल गरम करून ठेवणे. तेल तापले की गॅस मंद आचेवर ठेवावा. त्यात वड्या सोडून गुलाबीसर तळून घ्याव्यात.