मग मिक्सरच्या भांड्यात चार ते पाच हिरव्या मिरच्या, थोडे ठेचून घेतलेले आले, सात ते आठ लसूण पाकळ्या, थोडे धणे व बडीशेप, जीरे कोथिंबीर व चवीनुसार मीठ घालून सर्व मिक्स करून वाटून घेतले.

मग एका कढईत तेल घालून ते गरम झाल्यावर त्यात एक छोटा चमचा राई तडतडल्यावर त्यात पाव चमचा जीरे, पाव चमचा हिंग घालून चांगले परतून घेतले. मग त्यात वाटलेला मसाला घातला. नंतर त्यात अर्धा चमचा हळद घालून,त्यावर बारीक तुकडे केलेले बटाटे घातले. व चांगले परतून घेतले. मग त्यावर कोथिंबीर व अर्ध्या लिंबाचा रस घालून चांगले परतून घेतले व एका ताटात भाजी काढून घेतली.

मग बनविलेल्या भाजीचे गोल गोल गोळे करून घेतले.व एका बाउल मधे दोन वाट्या बेसन पीठ घेवून त्यात थोडे थोडे पाणी व मीठ व ओवा घालून पीठ तयार करून घेतले.

नंतर एका खोलगट कढईत तेल घालून ते गरम झाल्यावर त्यात बेसनाच्या पिठात घोळवून घेतलेले बटाटे वडे घालून चांगले सोनेरी रंगावर तळून घेतले.

तसेच मग थोडी चींच व गूळ एकत्र करून गोड चटणी बनवून घेतली. व तळलेल्या वड्यांचे जास्तीचे पीठ चांगले तळून तो चुरा मिक्सर मध्ये घेऊन त्यात लाल मिरची पावडर, साला सकट लसूण पाकळ्या व मीठ घालून वडपावासाठी लागते ती लाल चटनी वाटून घेतली. व तीनही स्वादाच्या चटण्या पावाला लावून त्यात बटाटा वडा भरून गरमा गरम वडा पाव सर्व्ह केले.