पीठ, तेल, मीठ एकत्र करून आवश्यकतेनुसार पाणी घालून पीठ मळून घ्या. मळून घेतलेलं पीठ फार घट्ट किंवा फार सैल नसावे. साधारण 15-20 मिनिटे झाकण घालून कणीक मुरू घ्या.

पिठाचा बेताचा आकाराचे गोळे करून घ्या.
थोडे सुके पीठ पसरून गोळा थोडा लाटून घ्या. नंतर त्यावर थोडेसे तेल लावा. तेलावर थोडीशी पिठी लावून, तिची अर्धी घडी घाला.

ह्या घडीवरही पुन्हा थोडे तेल व पिठी लावून पुन्हा त्याची घडी घाला.
ह्या प्रकारे सर्व कणकेचे गोळे घडी घालून घ्या.

नंतर पोळपाट वर ही घडी घातलेली पोळी, थोडे कोरडे पीठ घेऊन गोलाकारात लाटून घ्या.

लाटताना उलटून पुन्हा लाटावी म्हणजे दोन्हीकडचे पदर सारखे पातळ लाटले जातात.

तापलेल्या तव्यावर सावकाश पोळी टाकून थोड्या वेळाने पोळी जरा सरकवून गोल फिरवून ती नंतर उलटावी. पोळी चांगली फुगली, की तव्यावरच कडेने दाब द्या.

नंतर पुन्हा एकदा उलटून दूस-या बाजूने शेकून प्लेट मध्ये काढून लगेच तूप किंवा तेल लावा.