एक वाटी तुरीच्या डाळीचे वरण शिजवून घ्यावे. मेथी पाण्यामध्ये थोड्या वेळ बुडवून दोन-तीन पाण्याने स्वच्छ धुऊन घ्यावी. आणि चिरून घ्यावी.

आता गॅस सुरू करून त्यावर एक कढई ठेवावी. त्यात तेल टाकून नंतर त्यात जीरे मोहरी, कांदा, कढीपत्ता, हिरवी मिरची टाकावी. चांगले परतून घेतल्यावर त्यात, आले लसूण पेस्ट आणि हिरवा वाटाणा टाकून चांगले परतून घ्यावे..आणि टोमॅटो टाकावे.

टोमॅटो परतून त्यात मसाला आणि हळद टाकावे. मेथीची भाजी टाकावी. आणि मिक्स करून घ्यावे. थोडेसे पाणी टाकून झाकण ठेवून दोन मिनिटे शिजू द्यावे.

2 मिनिटांनी झाकण काढल्यावर, त्यात शिजलेले वरण टाकावे. चांगले एकत्र करून घ्यावे आणि आपल्याला पाहिजे त्या प्रमाणात पातळ करण्यासाठी गरजेनुसार पाणी टाकावे. आणि चवी नुसार मीठ टाकावे.

म्हणी त्याच प्रमाणे गुळाचा खडा टाकावा. आणि चांगले उकळू द्यावे. उकळल्यावर त्यात थोडी कोथिंबीर टाकावी. आता मेथीचे वरण तयार आहे. त्यात फक्त वरुन तडका द्यावयाचा आहे.