मैदा आणि रवा चाळून घेणे. त्यात दोन टेबलस्पून तुप कडकडीत गरम करून घालावे. तुप मैद्याला आणि रव्याला चांगले चोळून लावावे

तुप चोळून लावल्यावर त्यात थोडे थोडे पाणी घालून पुरीला पीठ मळतो तसे मळून घ्या. ते पीठ झाकून ठेवावे. म्हणजे ते कोरडे होणार नाही.

माव्याची बर्फी कुस्करून घ्यावी. त्यात डेसिकेटेड कोकोनट, पिठी साखर, काजू पिस्त्याचे तुकडे,, थोडा खायचा पिवळा रंग घालून सर्व मिक्स करून घ्यावे.

मळलेल्या गोळ्याचा एक गोळा घेऊन त्याची मोठी पोळी लाटावी. एका वाटीने त्या पोळीच्या छोटया पुऱ्या एव्हढ्या पाऱ्या करून घ्या.

पारी हातावर घेऊन त्याला जवळजवळ कळ्या पाडून घ्याव्यात फोटोत दाखवल्या प्रमाणे. त्यात सारण भरून वरून बंद करून मोदक तयार करून. गॅसवर मंद आचेवर मोदक तळून घ्यावेत.

तळून झालेले मोदक ताटात काढून घ्यावेत बाप्पाचा नैवेद्य तयार..