प्रथम बाजरी स्वच्छ धुऊन थोडा वेळ ठेवून दिली. ती थोडीशी गार असतांनाच फूड प्रोसेसर मधून फिरवून तिचा कोंडा काढला. व नंतर रात्री किंवा करण्यापूर्वी ६-७ तास बाजरी तसेच चवळी, चणाडाळ, तूर डाळ पाण्यात भिजत घातले. व सकाळी खिचडी करण्यापूर्वी अर्धा तास आधी तांदूळ व मुग डाळ भिजवून ठेवली. असे केल्याने खिचडी चांगली शिजून घोटली जाते.

आता आलं बसून यांची मिक्सरवर पेस्ट करून घेतली मग गॅसवर कढई मध्ये तेल गरम करून त्यात मोहरी, जीरे, कढीपत्ता, तमालपत्र, हिंग, हळद व आलं-लसूण पेस्ट टाकून छान परतून घेतले.

मग त्यात तिखट, शेव भाजी मसाला, कच्चा मसाला, थोडा गरम मसाला टाकून परतले.निथळलेली बाजरी, चवळी, तूर डाळ व चना डाळ टाकून परतून घेतले. नंतर त्यात तांदूळ व मुगाची डाळ घालुन परतले.

वरील सर्व मिश्रण चांगले परतून झाल्यावर त्यात गरम पाणी ओतले. ते साधारण मिश्रणाच्या तीन ते साडेतीन पट पाणी लागते. मग उकळी आल्यावर त्यात मीठ घातले. व ते मिश्रण कुकर मध्ये ओतून चांगले चार पाच शिट्ट्या करून शिजवून घेतले.

कुकरमध्ये बाजरीची खिचडी शिजेपर्यंत तिखट करून घेतले. त्यासाठी दीड कांडी लसूण बारीक कापून घेतला. व कढईमध्ये दोन टेबलस्पून तेल गरम करून त्यात मंद गॅसवर लसुन परतला. सतत हलवत रहावे म्हणजे लसून सगळीकडून सारखा परतला जातो.

लसुन गोल्डन ब्राऊन झाल्यावर त्यात तीळ घालुन परतले. व तीळ तडतडल्यावर लसुन थोडा ब्राऊन झाल्यावर खाली उतरवून मग त्यात तिखट व मीठ मिक्स केले. म्हणजे तिखट जळत नाही व लसणाच्या तिखटाला छान लाल कलर येतो. ते एका वाटी मध्ये काढून घेतले.

मग कढी करुन घेतली. व कुकरची वाफ गेल्यावर बाजरीची खिचडी घोटून घेऊन बाउल मध्ये काढली व वरून लसणाचे तिखट व कोथिंबीर घातली.

तयार बाजरीची खिचडी लसणीचे तिखट व कढी बरोबर गार्निश करून सर्व्ह केली.