चिकनला आलं लसूण पेस्ट लावून ठेवा.

वाटणासाठी कांदा, सुके खोबरे,ओले खोबरे छान लालसर भाजून घ्या. गरम मसाला सुद्धा थोडं तेल टाकून भाजून घ्या.

गरम मसाला मिक्सरमधे वाटून घ्या.
कांदा खोबरे सुद्धा थोडं पाणी घालून वाटून घ्या.

कढईत तेल गरम करून त्यात तमालपत्र,कांदा परतून घ्या. नंतर त्यात आलं लसूण पेस्ट घालून परतावे. नंतर त्यात वरील सर्व मसाले,वाटलेला गरम मसाला,मीठ, घालून छान तेल सुटेपर्यंत परतून घ्या.

ग्रेव्ही छान परतून घ्या. नंतर त्यात चिकन घालून अंदाजे पाणी घालून चिकन छान शिजू द्यावे.

वड्यासाठी उडीदडाळ, मेथीदाणे २ तास भिजवून घ्या. नंतर मिक्सरमध्ये वाटून घ्या.

पॅनमध्ये धणे,काळिमिरी छान भाजून घ्या.आणि बारीक पूड करा.

बाऊलमधे सर्व पिठं, उडीदडाळ पेस्ट,वाटलेला मसाला, मीठ,हळद,कोमट पाणी घालून घट्टसर पीठ मळून घ्या.

प्लॅस्टिक शीटला तेल लावून वडे‌थापून गरम तेलात वडे तळून ठेवा‌.

गरमागरम वडे चिकन मसाला सोबत सर्व्ह करा.