प्रथम उडीद डाळ, साधा तांदूळ, इडली रवा 5-6 तास भिजत घालणे. उडीद डाळ मध्ये मेथी दाणे आणि पोहे घालून भिजवणे. आता हे सगळे मिक्सर मध्ये बारीक वाटून घेणे. व रात्रभर हे बॅटर फेरमेंट करण्यासाठी ठेवणे. सकाळी छान फुगून वर येते.आता इडली पीठ तयार आहे.

सांबार करण्यासाठी.... प्रथम आवडीनुसार भाज्या चिरून घेणे. कांदा, टोमॅटो, भोपळा, शेवगा चिरून घेणे. आता कुकर डबा मध्ये तूरडाळ घेऊन ती 2-3 वेळा स्वच्छ धून घेणे. त्या मध्ये कांदा, टोमॅटो, बटाटा हे घालून हे सगळे कुकर मध्ये छान शिजवून घेणे. त्या मध्ये हळद, हिंग घालणे.10 मिनिट शिजून घेणे.

या मध्ये भोपळा, शेवगा वेगळे 3-4 मिनिट मीठ घालून वाफवणे. आता डाळीत सगळे भाज्या घालून डाळ शिजवून घेणे.आता शिजलेली डाळ छान हाटून घेणे.

आता गॅस वर पातेले ठेवून त्या मध्ये तेल घालावे. तेल गरम झाले कि त्या मध्ये मोहरी, जीरे, हिंग, कढीपत्ता, मेथी दाणे याची फोडणी करून घेणे. आता या मध्ये भाज्या घालून शिजलेली डाळ घालावी. लागेल तसे गरम पाणी घालावे. आता या मध्ये लाल तिखट, सांबार मसाला, चिंच, चवीनुसार मीठ घालावे.

आता या मध्ये शिजवून घेतलेले शेवगा, भोपळा घालून घेणे. सांबार छान 5-7 मिनिटे उकळून घेणे. भाज्यांचा स्वाद त्या मध्ये उतरतो. मस्त टेस्टी असे सांबार तयार होते. वरून कोथिंबीर घालून गॅस बंद करावा.

आता इडली करण्यासाठी तयार पिठामध्ये चवीनुसार मीठ घालावे. इडली प्लेट ला तेल लावून घेणे व त्या मध्ये पीठ घालून या प्लेट इडली पात्रात ठेवून देणे. झाकण ठेवून 15 मिनिट वाफवून घेणे. मस्त स्पॉनजि इडली तयार होतात.

अशा प्रकारे लागेल तसे इडली करून घेणे.इडली झाली कि त्याची वाफ गेली कि पात्रातून इडली काढून घेणे. व बाउल मध्ये सुती कापड ठेवून त्या मध्ये इडली ठेवावीत. म्हणजे इडली भिजट होत नाही.

अशा प्रकारे इडली, सांबार दोनीही तयार आहे. गरम गरम इडली सांबार सर्व्ह करावे. खूप मस्त पोटभरीचा आणि आवडीचा मेनू तयार होतो.