प्रथम प्रथम वांगी धुवून घ्यावी. त्याच्या मागचे काटे काढून, त्याला वरून उभा नि आडवा छेद द्यावा व ती पाण्यात ठेवावी. काळी पडत नाहीत. कांदा बारीक चिरून घ्यावा.

तीळ, शेंगदाणे, खोबरं, आलं-लसूण व टोमॅटो भाजून घ्यावे. एका मिक्सरच्या भांड्यात हे सर्व घालून त्यामध्ये, कोथिंबीर घालून बारीक वाटून घ्यावे.

या वाटणात बारीक चिरलेला कांदा, घालून हळद, तिखट, गरम मसाला,धने-जीरे पूड, मीठ घालून सगळे मिक्स करून घ्यावे. हा मसाला वांग्यामध्ये भरावा.

एका कढईत तेल गरम करून उरलेला मसाला परतून घ्यावा व त्यात ही भरलेली वांगी ठेवावी. झाकण ठेवून चांगली वाफ येऊ द्यावी. नंतर त्यात गरजेनुसार पाणी घालावे व वांगी चांगली शिजू द्यावी. गरमागरम मसालेदार भरली वांगी पोळी किंवा भाकरी सोबत सर्व्ह करावी.