तुरीची डाळ स्वच्छ धुऊन तीन ते चार तास भिजत घालावी. आणि त्यानंतर उपसून थोडी सुकवावे.

आता मिक्सरच्या भांड्यात डाळ घेऊन, त्यात आले,लसूण,हिरवी मिरची,कोथिंबीर, जीरे,कढीपत्ता टाकून बारीक करून घ्यावे.

बारीक केलेली डाळ एका भांड्यात काढून घेऊन त्यात हळद धणेपूड आणि चवीनुसार त मीठ टाकावे. मि यात तिखट टाकलेले नाही कारण डाळ बारीक करताना हिरवी मिरची वापरलेली आहे.हिरव्या मिरचीची चव तिखट पेक्षा वेगळी लागते. म्हणून मी तीच वापरली आहे. त्यानंतर त्यात एक चमचा तेल टाकून चांगले मिक्स करून घ्यावे. आता गोळ्यांचे मिश्रण तयार आहे.

आता आपण रस्सा करू. त्यासाठी एका गंजात तेल टाकावे. तेल गरम झाल्यावर त्यात जीरे मोहरी आणि तेजपान टाकावे. कांदा टोमॅटो आणि आले लसूण पेस्ट टाकावी. आणि चांगले परतून घ्यावे.

नंतर त्यात मिक्स पावडर टाकावी आणि पुन्हा एकदा परतून घ्यावे. आता त्यात हळद तिखट धणेपूड आणि मसाला टाकून घ्यावा.चांगले मिक्स करून घ्यावे. आणि आता रश्यासाठी गरम पाणी टाकावे.

आता त्यात चवीनुसार मीठ टाकावे आणि एक-दोन उकळ्या येऊ द्याव्यात आता या सगळ्या आलेल्या वर्षांमध्ये आरश्यामध्ये तयार गोळ्यांच्या मिश्रणाचे मध्यम आकाराचे गोळे करून उकळत्या रस्त्यामध्ये टाकावे.

गॅस कमी करून सर्व गोळे एक एक करून त्यात टाकावे आणि शिजू द्यावे. जोपर्यंत गोळे वर येत नाही तोपर्यंत गॅस वर शिजू द्यावे. एखादा गोळ्या फोडून तो शिजल्याची खात्री करून घ्यावी.

आता त्यात कोथिंबीर टाकली की रस्सेदार पाण्यातील गोळे जेवणासाठी तयार आहेत. हे गोळे आपण गरमागरम पोळी किंवा भाकरी सोबत खाऊ शकतो.आणि सोबत कांदा लिंबू असेल तर छानच.