प्रथम वड्यांसाठी बेसन भिजवुन घेऊ. बेसनात हळद, तिखट, मीठ, धणेपूड, आले लसूण पेस्ट, कोथिंबीर टाकून चांगले एकत्र करावे. त्यानंतर त्यात 1 टेबलस्पून तेल टाकून, नंतर पाणी टाकून थोडे कडक भिजवावे जेणेकरून त्याची पोळी लाटून वड्या पडतील. 5 मिनिट बाजूला ठेवावे.

आता भाजीचा रस्सा करून घेऊ. त्यासाठी गॅस सुरू करून गॅसवर एक भांडे ठेवावे. त्यात तेल टाकून नंतर जीरे,मोहरी टाकावी. त्यानंतर,त्यात कांदा टोमॅटो,आले लसूण पेस्ट, शेंगदाणा फुटाणे पावडर,टाकून चांगले एकत्र करावे. सोनेरी रंगावर आल्यावर त्यात धणे पावडर, हळद, तिखट, मसाला, मीठ टाकून चांगले एकत्र करावे. त्यानंतर त्यात पाणी घालावे. व उकळू द्यावे.

रस्सा उकळे पर्यंत आपण चुन वड्या तयार करून घेऊ. त्यासाठी भिजवलेल्या पिठाचे दोन गोळे करून घ्यावे. एक गोळा घेऊन त्याची पोळी लाटावी जाडसर, आणि त्याची शंकर पाळयाप्रमाणे वड्या पाडून घ्याव्यात.

तिकडे गॅस वरचा रस्सा उकळी आलेला असेल. रस्स्याला उकळी आल्यानंतरच तयार केलेल्या वड्या एकेक करून त्यात सोडाव्या. अशाप्रकारे दोन्ही पोळ्यांच्या वड्या पाडून रस्स्यामध्ये सोडाव्या.

जेव्हा वड्या वर येतील,तेव्हा वड्या शिजल्या असे समजावे. एखादी वडी चमच्याने तोडून बघावे. सहज कापल्या गेली तर वडी शिजली आहे, असे समजून गॅस बंद करावा. वड्या शिजवताना कमी आचेवर शिजवाव्यात. तसेच या भाजीला रस्सा जास्त पाहिजे,कारण थंड झाल्यावर भाजीचा रस्सा घट्ट होतो. त्यामुळे सुरुवातीला जरी रस्सा पातळ वाटला, तरी नंतर तो घट्ट होतो! तर अशी हि भाजी शिजल्यानंतर, वरून कोथिंबीर पेरावी. आवडत असल्यास खोबऱ्याचा कीस ही टाकावा. आणि गरमागरम पोळी किंवा भाकरी सोबत जेवायला द्यावी.

बघा, तुम्हाला आवडते की नाही ते..