प्रथम दुधाचा आपल्याला छेना बनवून घ्यायचा आहे. त्यासाठी गॅस वरती दूध गरम करून घ्यावे.दूध चांगले उकळले की त्यामध्ये लिंबाचा रस घालून सतत दोन मिनिटे ढवळत राहावे.दूध नासू लागेल आणि दुधातून पाणी वेगळे झालेले दिसेल त्यानंतर गॅस बंद करावा.आता यातून पाणी पूर्णपणे काढून घ्यावे. अशाप्रकारे छेना तयार

आता एका पॅन मध्ये छेना ऍड करून त्यामध्ये साखर ऍड करा आणि दोन मिनिटे मध्यम आचेवर मिक्स करून घ्या.आता गॅस बंद करून यामध्ये वेलची पावडर आणि इसेन्स ऍड करून छान मिक्स करून घ्या आणि थंड होण्यासाठी दहा मिनिट बाजूला ठेवा.

आता छेना थंड झाल्यावर ते मिक्सरच्या भांड्यामध्ये दोन वेळा फिरवून घ्या.त्यामुळे छेना छान एकजीव होतो आणि मोठ्या गाठी असतील तर त्या निघून जातात.आता आंब्याच्या पातळ स्लाईस कट करून घ्या.

आता तयार केलेल्या आंब्याच्या स्लाईस वरती छेना चा रोल करून ठेवा आणि आपण सुरळीच्या वड्या ज्याप्रमाणे रोल करतो त्याप्रमाणे आंब्याच्या स्लाईस चा रोल करून घ्या.अशाप्रकारे सर्व रोल तयार करून घ्या.

मस्त असे मॅंगो संदेश रोल तयार. मस्त असे हे पार्टी डीजर्ट खूप छान लागते.