प्रथम आंब्याचा रस काढून तो मिक्सर मधून फिरवून घेणे. आता एका बाउल मध्ये मैदा, बेकिंग सोडा, बेकिंग पावडर गाळणीने गाळून घेणे. तो पर्यंत कढई गॅस वर ठेवावी त्यात स्टॅन्ड ठेवून त्या वर झाकण ठेवावे. व कढई प्रिहीट करून घेणे. व ज्या मध्ये केक करायचा आहे त्याला तेलाने ग्रीस करून वर मैदा पसरून घेणे.

आता एका बाउल मध्ये बटर, पिठी साखर आणि दही घालावे. व व्हिस्कर ने ते 3-4 मिनिटे फेटून घेणे. आता त्या मध्ये आंब्याचा रस व मँगो इसेन्स घालून 2-3 मिनिटे फेटून घेणे. सगळे एकजीव झाले पाहिजे.

आता या मध्ये चाळून घेतलेला मैदा घालून हलक्या हाताने व्हिस्कर कट अँड फोल्ड पद्धतीने फेटून घेणे.आता त्यात आवडीनुसार ड्रायफ्रूट घालावेत. मिश्रण घट्ट वाटत असेल तर थोडेसे दूध घालून हलवून घेणे.

आता हे बॅटर ग्रीस केलेल्या केक टिन मध्ये घालावे व वरून ड्रायफ्रूट घालावेत 2-3 वेळा टिन टॅप करावा. प्रिहीट केलेल्या कढई तील स्टॅन्ड वर ठेवून देणे. वरून झाकण घालून बारीक गॅस वर 45मिनिट केक बेक करून घेणे.

वेळ झाली कि झाकण काढून पाहणे केक झाला आहे का त्यासाठी सुरीचे टोकाने किंवा टूथ पिक केक मध्ये घालून पाहावे. टूथ पिक स्वच्छ बाहेर आली तर समजावे केक छान बेक झाला आहे. गॅस बंद करावा.

केक थंड झाला कि प्लेट मध्ये टिन उलटा करून वरून टिन ला टॅप करावे. केक टिन मधून बाहेर निघतो. व तयार केक आपल्या आवडीनुसार सजवून सर्व्ह करावा. खूप छान टेस्टी मँगो फ्लेवर केक तयार होतो.