प्रथम तोतापुरी कैरीची साल काढून ती खिसुन घेणे. कांदा बारीक चिरून घेणे. शेंगदाणा कूट करून घेणे. आता मिक्सर पॉट मध्ये मिरची, साखर, चवीनुसार मीठ आणि जीरे पूड, लाल तिखट बारीक करून घेणे. हा मसाला बाजूला काढून घेणे.

आता पुन्हा मिक्सर पॉट मध्ये खिसुन घेतलेली कैरी, कांदा, कोथिंबीर, शेंगदाणा कूट आणि तयार करून घेतलेला मसाला हे सगळे एकत्र करून घेणे. व पल्स मोड वर हे सगळे फिरवून घेणे. खूप बारीक वाटू नये. कांदा थोडा जाडसर त्यात राहिला तरी चालतो. टेस्ट खूप छान येते.

मस्त अशी चटपटीत कांदा कैरी चटणी तयार झाली. आता त्या वर फोडणी घालून घेणे. याने आजून ही चटणी खमंग आणि चटपटीत लागते. तडका पॅनगॅस वर ठेवून त्यात मध्ये तेल घालावे. तेल गरम झाले कि मोहरी, जीरे, हिंग याची खमंग फोडणी करून घेणे. ही फोडणी तयार चटणी वर घालून घेणे.

मस्त मराठवाडा स्पेशल कांदा कैरी चटणी भाकरी, पोळी किंवा जेवताना तोंडी लावण्यासाठी सर्व्ह करू शकता.