२ वाट्या कोलीम / जवळा स्वच्छ ३-४ वेळा पाण्यात धुवून घेतला.

१ कांदा, १ टोमॅटो, लसूण पाकळ्या, २ हिरव्या तिखट मिरच्या, अर्धी वाटी कोथिंबीर बारीक चिरून घेतले.

कढईत तेल गरम करून त्यात ५-६ कढीपत्ता पाने, जिऱ्याची फोडणी दिली. त्यात चिरलेला कांदा, टोमॅटो, लसूण, मिरच्या, परतून शिजवून घेतले.
त्यानंतर त्यात ३ चमचे लाल तिखट मसाला, १ चमचा काळा मसाला, १ चमचा कायस्थ मसाला, १ चमचा जीरे पावडर, १ चमचा धणे पावडर आणि चवीपुरतं मीठ घालून सगळं मिश्रण ढवळून घेतलं. झाकण ठेवून वाफेवर मुरू दिलं.

आता यात निथळलेले कोलीम, ४-५ आमसुलं आणि १ चमचा गरम मसाला घालून झाकण ठेवून शिजवून घेतलं.

कोलीम शिजल्यावर चिरलेली कोथिंबीर पसरून गॅस बंद करून ठेवला.

तयार कोलीम पावात भरून पुन्हा तव्यावर थोडा वेळ दाबेली सारखे परतून घ्यायचे. गरम गरम जवळा पाव तयार :)
~ सुप्रिया घुडे