प्रथम बटाटे उकडून घेणे. त्याचे साली काढून स्मॅश करून घेणे. हिरवी मिरची, लसूण, आले याची पेस्ट करून घेणे.ब्रेड चे बाजू सुरीने कट करून घेणे.

आता गॅस वर कढई ठेवून त्यात तेल घालावे. तेल गरम झाले कि त्यात हिरवी मिरची, लसूण पेस्ट घालावी. 1-2 मिनिटे परतून घेणे. आता त्यात स्मॅश केलेला बटाटा व हळद, कोथिंबीर घालून छान एकजीव करून घेणे. गॅस बंद करावा. रोल चे स्टफीन्ग तयार झाले.

आता रोल करण्यासाठी एक ब्रेड स्लाईस घेणे. त्याला लाटनेने हलकेसे लाटून घेणे. त्याला थोडा पाणी हाताने लावून थोडे लाटून घेणे. आता त्यात तयार बटाटा मिश्रण थोडे से घेणे त्याचा गोळा करून तो ब्रेड वर ठेवणे. व ब्रेड च्या बाजूने थोडे थोडे पाणी लावून ते सगळ्या बाजूने बंद करून घेणे. पाण्यामुळे त्याचे बाजू चिकटले जातात.रोल करून घेणे.

अशा प्रकारे सगळे ब्रेडचे रोल करून घेणे. गॅस वर कढई ठेवून त्यात तेल तळण्यासाठी घालावे. तेल गरम झाले कि तयार रोलत्या तेलामध्ये सोनेरी रंगावर तळून घेणे.

मस्त क्रिस्पी असे ब्रेड रोल खाण्यासाठी तयार झाले. मस्त गरम गरम सॉस, हिरवी चटणी सोबत सर्व्ह करावे.