तांदूळ स्वच्छ धुऊन पंधरा मिनिटे पाण्यात भिजत ठेवावे.

आपल्या आवडीच्या सर्व भाज्या स्वच्छ धुऊन चिरुन घ्याव्यात.

गॅसवर मध्यम आचेवर पॅन मध्ये तेल घेऊन ते तापल्यावर त्यात जिरें घालावे. जिरें फुटल्यावर त्यात एकेक करून सर्व खडे मसाले घालावेत आणि परतून घ्यावेत.

त्यात कांदा घालावा. कांद्याचा रंग बदलल्यावर त्यात एकेक करून सर्व भाज्या घालाव्यात आणि परतून घ्याव्यात.

भाज्या परतलेल्यावर त्यात भिजवलेले तांदूळ उपसून घालावेत. सर्व एकत्र परतून घ्यावे. दीड कप गरम पाणी घालावे. मीठ घालून ढवळून गॅस बारीक करून भात शिजवून घ्यावा.

शिजलेल्या भातावर काळी मिरी पावडर भुरभुरावी. व तळलेले काजू घालून डीश सॅलड किंवा रायत्या बरोबर सर्व्ह करावी.