उडदाची डाळ पाच सहा तास भिजत घालावी.नंतर थोड पाणी घालून बारीक वाटून घ्यावी.त्यात थोडा थोडा रवा व पाणी घालून मिक्स करावे.(नेहमीच्या इडली डोसा पिठाप्रमाणे) व सात आठ तास झाकून ठेवावे.आठ तासानी पीठ छान फुलून येते. त्यात चवीनुसार मीठ घालून मिक्स करावे.

सिमला मिरची,कांदा बारीक चिरून घ्यावा.मक्याचे दाणे मीठ व हळद घालून उकडून घ्यावे नंतर गाळून घ्यावे. भाज्या आपल्या आवडीप्रमाणे घ्याव्या. डोसा तवा गरम करून त्यावर तेल लावावे व चमचाभर मिश्रण पसरावे. गॅस मिडीयम असावा. एका बाजूने जाळी दिसू लागली की उत्तपा परतावा.आता गॅस स्लो करावा.

आता उत्तपा वर बटर लावून त्यावर एक टीस्पून पिझ्झा सॉस लावावा.

नंतर त्यावर मिक्स भाज्या पसराव्या.(आपल्या आवडप्रमाणे घ्याव्या) त्यावर
क्रमाने मिक्स हर्ब्ज,चीली फ्लेक्स दोन्ही चीझ घालून झाकण ठेवावे साधारण पाच मिनिटांनी चीझ वितळते.चीझ वितळले की गरम गरम पिझ्झा उत्तपा सर्व्ह करावा.