बिस्किटे एका ताटात काढून घ्या.. त्यातील क्रीम काढून वेगळ्या वाटी मध्ये काढून घ्या.

बिस्किटांचे तुकडे करून घ्या व मिक्सरमध्ये बारीक पूड करून घ्या..

एक टेबलस्पून कोमट दुधामध्ये केशर भिजत ठेवा.. बाकीचे साहित्य एकत्र जमवून घ्या.. खसखस थोडीशी गरम करून घ्या..

क्रीम मध्ये काजू बदाम पिस्त्याचे तुकडे,डेसिकेटेड कोकोनट, चिमुटभर केशरी रंग, केशर भिजवलेले दुध घालून मिक्स करा व घट्ट गोळा मळून घ्या..

क्रीमचा गोळा बाजूला ठेवा व दुध आणि साय एकत्र करून गाळणीने गाळून घ्या..व बिस्किटांच्या चुऱ्यामध्ये थोडे थोडे घालत त्याचा घट्ट गोळा मळून घ्या..

क्रीम चा गोळा हाताने मऊ करून त्याचा लांबट रोल करून घ्या व बिस्किटांचा गोळा फाॅईल पेपर वर ठेवून हाताने प्रेस करत पुरीच्या आकारा एवढा करून घ्या.

त्यावर दुसरा फाॅईल पेपर ठेवून चपाती च्या आकारात लाटून घ्या.. आता वरचा पेपर काढून घ्या व त्यावर क्रीमचा रोल ठेवून गोल गोल फिरवत व हाताने प्रेस करत गुंडाळून घ्या..व फाॅईल पेपरमध्ये गुंडाळून दोन्ही बाजूंनी बंद करून दोन तीन तास फ्रीजमध्ये सेट होण्यासाठी ठेवा..

चाॅपिंग बोर्ड वर पेपर ठेवून त्यावर खसखस भुरभुरावी व त्यावर रोल फिरवून घ्या.. खसखस दिसायला ही छान दिसते आणि चवही छान येते..व हव्या त्या आकारात कापून घ्या..

प्लेटमध्ये सजवून सर्व्ह करा.. खुप छान मिठाई चा प्रकार बनतो.. स्वस्त आणि मस्त.. शिवाय गॅस ची गरज नाही..नो फायर...