प्रथम राजेळी केळी स्वच्छ धुवून घ्यावीत

एका पसरट भांड्यात २ चमचे साजूक तूप तापवून भांड्याला लावून घ्यावे.

नंतर राजेळी केळीची सालं काढून ती भांड्यात लावून घ्यावी.

१ नारळाचं खोबरं गूळ, वेलची पूड, मीठ, केशर एकत्र करून चव घ्यावा. १/२ नारळाचे दूध काढून घ्यावे.

केळी सोलून त्याचे दोन भाग करून घ्यावेत. त्यात मध्ये चीर देऊन चव भरून घ्यावा.

भरलेली केळी सुबकपणे सालींवर ठेवावीत व उरलेला चव त्यावर पसरावा.

नंतर ह्या केळ्यांवर नारळाचे दूध घालून, केळी मंद आचेवर झाकण ठेऊन शिजत ठेवावीत.

साधारण १/२ तासांनी नारळाचे दूध केळ्यांमध्ये मुरते व केळी तयार होतात.