प्रथम रताळी स्वच्छ धुवून ते वाफवून घेतले. मग ते सर्व स्मॅश करून घेतले.

आता गॅस वर पॅनमध्ये तूप गरम करून त्यात स्मॅश केलेले रताळे तुपावर चांगले परतून घेतले. मग त्यात साखर व नारळ घालून परतले.

आता त्यात दूध घालून चांगले घट्ट होईपर्यंत शिजवून घेतले. त्यात ड्रायफ्रूट काप मिक्स करून घेतले.

आता सर्व मिश्रण ग्रीसिंग केलेल्या ट्रेमध्ये काढून थापून घेतले. त्यावर ड्रायफ्रूट काप घातले. व फ्रिजरमध्ये दोन तास थंड करून घेतले. व त्याच्या वड्या कट करून बदामाने डेकोरेट करून डिशमध्ये ठेवून सर्व्ह केले.