भाजणीच्या थालीपीठासाठी सर्वात महत्त्वाची म्हणजे भाजणी! तर इथे मी नेहमीची भाजणी न घेता मल्टिग्रेन भाजणी घेतली आहे. भाजणी घरी बनवणे शक्य नसेल तर बाजारात Rustik Paushtiq यांची मल्टिग्रेन भाजणी तुम्हाला सहज मिळेल. Amazon वर सुद्धा ही सहज उपलब्ध आहे.
https://www.amazon.in/dp/B0881R6P7F/ref=cm_sw_r_apan_glt_fabc_X0N4C45F15A83XPT90EY

प्रथम २५० ग्रॅम भाजणीमध्ये दोन बारीक चिरलेले कांदे, अर्धी वाटी बारिक चिरलेली कोथिंबीर आणि अर्धा चमचा धणे-जीरे -ओवा पूड आणि चवीनुसार मीठ घालून घ्यावे.

आता या मिश्रणामध्ये गरजेनुसार दही किंवा घरचे ताक घालून गोळा सैलसर मळून घ्यावा. मळताना कुठेही तेलाचा वापर करू नये. तयार झालेला गोळा दहा मिनिटे भिजू द्यावा.

आता लोखंडी तव्यावर १ चमचा तूप किंवा लोणी घालावे आणि पहिले थालीपीठ तव्यावरच थापायला घ्यावे. थालीपीठ अगदी पातळ थापावे. आणि खुसखुशीत भाजण्यासाठी त्याला बोटाने तीन किंवा चार भोके करावीत.
असे हे थालीपीठ तव्यावर मंद आचेवर खुसखुशीत भाजून घ्यावे.
दुसरे थालीपीठ पोळपाटावर प्लास्टिक पेपर ठेवून त्यावर थापावे म्हणजे हात भाजणार नाही.
आणि प्लास्टीक पेपर वरून थालीपीठ तव्यावर अलगद सुटावे म्हणून गोळा थापण्याआधी पेपरला थोडे तूप लावून घ्यावे.