मशरूम स्वच्छ धुवून त्याचे मोठे तुकडे करावे आणि पॅनमधे पाणी घालून त्यात मशरूम रंग बदलेपर्यंत शिजवून घ्यावे.

कांदे आणि सिमला मिरच्यांचे मोठे तुकडे करुन घ्यावे. लागणारे साॅस काढून ठेवावे.

कढईत तेल घालून त्यात २ हिरव्या मिरच्या मधे चिर पाडून परतून घेऊन मग बारीक चिरलेला लसूण आणि किसलेले आले घालून परतावे, लसूण ब्राऊन होईपर्यंत परतू नये. मग कांदे आणि सिमला मिरच्यांचे मोठे तुकडे घालून थोडेच परतावे म्हणजे क्रंची लागतात, जास्त परतून नरम करु नये. मग त्यात सोया सॉस आणि मीठ घालून मिक्स करावे.

मग रेड चिली सॉस आणि टोमॅटो केचप घालून मिक्स करून त्यात शिजवलेले मशरूम घालून परतावे. परतताना गॅस मोठाच ठेवून भराभर न करपू देता भाज्या परतून घ्याव्या.

२ टीस्पून काॅर्नफ्लावर आणि २ टीस्पून पाणी चांगले मिक्स करावे, (गुठळ्या होणार नाही याची काळजी घ्यावी) काॅर्नफ्लावरचे पाणी भाजी मधे घालून भराभर परतावे, नंतर व्हिनेगर घालून मिक्स करावे आणि लगेचच गॅस बंद करावा. (भाजीमधे व्हिनेगर नेहमी शेवटी घालावे म्हणजे भाजी कडू होत नाही)