वांगी स्वच्छ धुऊन त्यावरील काटे काढावे.देठ अर्धा ठेवावा व मसाला भरण्यासाठी चिरा द्याव्या.

मसाल्यासाठी दिलेले साहित्य मिक्सर मध्ये घालून पाणी न घालता वाटून घ्यावे.

वाटलेला मसाला ताटात कादून त्यात धणे जीरे पावडर,कांदा लसूण मसाला,दाण्याचा कूट,चवीनुसार मीठ व एक टेबलस्पून तेल घालून मिक्स करावे.

वांग्यामध्ये मसाला व्यवस्थित भरावा.

कढईत तेल गरम करून मोहरी हिंग हळद यांची फोडणी करावी व त्यावर वांगी परतून घ्यावी. झाकण ठेवून वाफ आणावी.झाकणावर पाणी घालावे.

वांगी शिजली की उरलेला मसाला घालून मिक्स करावे व लागल्यास त्यात गरम पाणी घालून एक वाफ आणावी. भाकरी,पोळी सोबत सर्व्ह करावी.