सर्वप्रथम सर्व साहित्य एका ठिकाणी काढून घ्यावे मटकी आणि मूग धुऊन घ्यावेत काहीवेळा मटकीला वासही येतो त्यामुळे तिथून घेतलेले चांगले.आता कढईमध्ये तेल गरम करावे जीरे मोहरी आणि हिंगाची फोडणी तयार करावी सोबत कढीपत्ता घालावा आणि फोडणी झाल्यानंतर त्यामध्ये कांदा ट्रान्सपरंट होईपर्यंत भाजून घ्या

कांदा भाजून झाला की त्यामध्ये लसूण खोबर्‍याचे वाटण घालावे व दोन मिनिटे परतावे त्यानंतर त्यात टोमॅटो घालून मीठ घालावे टोमॅटो लवकर विरघळेल टोमॅटो थोडा विरघळत आला की त्यामध्ये कांदा लसूण मसाला गरम मसाला घालून घ्यावा सर्व परतून घ्यावे आणि मग मटकी आणि मूग घालून सर्व एकदा कोरडेच हलवून घ्यावे

मटकी शिजण्या पुरते पाणी घालून घ्यावे झाकण ठेवून मटकी वाफ येऊ द्यावी पाणी आटत आले की त्यात कूट घालून घ्यावा सोबत कोथिंबीर घालून घ्यावी

ज्यांना कोरडी उसळ आवडते त्यांनी उसळ कोरडी होईपर्यंत परतावे पण थोडेसे ओलसर असेल तर ती उसळ खायला छान लागते