प्रथम बाजरी स्वच्छ धुऊन चार पाच तास पाण्यात भिजत घातली. मग मिक्सर च्या जार मध्ये बाजरी आलं लसूण मिरची सर्व बारीक वाटून घेतले. कांदा, टमाटा, सिमला मिरची, कोथिंबीर बारीक चिरून घेतले.

मग ते मिश्रण एका बाऊलमध्ये काढून त्यात ज्वारीचे पीठ मिक्स केले. त्यात बारीक चिरलेला कांदा, टमाटा, कोथिंबीर, सिमला मिरची सर्व मिक्स केले. मग त्यात धणेपूड, तिखट, मीठ, एक टेबलस्पून तेलाचे मोहन, दही घालून मिक्स केले. तीन चार मिनिट फेटुन घेतले.

आता त्या मिश्रणात सोडा घालून त्यावर एक टीस्पून पाणी घातले. व वरील मिश्रणात मिक्स करून घेतले.
पाणी घातल्यामुळे सोडा चांगला फसफसून येतो. आता अप्पे पात्राला तेलाने ग्रीसिंग करून त्यात चमच्याने वरील पीठ घातले व झाकण ठेवून आप्पे दोन्ही बाजूंनी वाफवून घेतले. तयार आप्पे डिश मध्ये ठेवून गार्निश करून टोमॅटो सॉस बरोबर सर्व्ह केले.

हे आप्पे हेल्दी तर आहेच पण चवीलाही छान होतात.