प्रथम भगर भाजून घेऊन स्वच्छ धुऊन ठेवली. बटाटे, रताळे मायक्रोवेव्ह ओव्हन मध्ये वाफवून घेतले. कोथिंबीर, मीरची चिरून घेतली. बटाटे व रताळे थंड झाल्यावर त्याचे काप करुन घेतले.

आता गॅसवर कढई मध्ये तूप गरम करून त्यात जीरे, हिरवी मिरची, कडीपत्ता, काजू, व बेदाणे घालून परतले. मग त्यात भगर घालून परतून घेतले.

आता त्यात थोडे वाफवलेले बटाटा व रताळ्याच्या फोडी घालून यात भगरीच्या दुप्पट गरम पाणी घातले.

पाण्याला उकळी आल्यावर त्यात मीठ व थोडी कोथिंबीर घालून भगर शिजवून घेतली. झाकण ठेवून चांगली वाफ आणली.

आपला तयार भगर (वरीचा) भात किंवा पुलाव तयार झाल्यावर डीश मध्ये काढून गार्निश करून सर्व्ह केला. हा पुलाव चवीला खूपच छान लागतो. शिवाय भाज्या ड्रायफ्रूट घातल्याने त्याचा पौष्टिकपणा अजून वाढतो. ही हाडांच्या मजबुतीसाठी खूप चांगली असते.