#SFR#street_food_recipes
आपला भारत खाद्यसंस्कृतीच्या बाबतीत खरंचंच वैविध्यपूर्ण आहे.कश्मिर पासून कन्याकुमारी पर्यंत आणि गुजरात पासून बंगाल पर्यंत प्रांतागणिक खाद्यपदार्थात हवामानानुसार आणि उपलब्ध पिकांनुसार विविधता आढळते.तसंच "वसुधैव कुटुंबकम्।"या उक्तीनुसार आपण एकमेकांची खाद्यसंस्कृतीही आपलीशी केली आहे.उदाहरण द्यायचे तर दक्षिणेकडील इडली, डोसा,उत्तप्पा,अप्पम,आप्पे...इ.,तर उत्तरेकडील चाटचे पदार्थ, छोले,दहीवडे,पुलाव,बिर्याणी, गुजरातचा ढोकळा,फापडा,खाकरा,फरसाण,कचोरी,मध्यप्रदेश तर खवैय्यांचीच राजधानी...तिथल्या सराफा बाजारात संध्याकाळी लागणाऱ्या ठेल्यांवर तर काय मिळत नाही?....,प.बंगालमधली मिठाई,पापरी चाट,मोमोज,दम आलु-लुची,राईस-फिशकरी,पुचका,काठीरोल...!आपल्या मुंबईच्या चौपाटीवरील भेळ,पाणीपुरी,सँडविच, वडापाव,बाँबे पावभाजी असं कितीतरी!!आणि पुणे,कोल्हापूरची खास मिसळ....
पूर्वी खरं तर बाहेरचं खाणं घरच्यांना अजिबात चालत नसे.तसं मिळायचंही फार कमीच.आजच्या इतकी विविधता तर मुळीच नव्हती.फार तर भेळ,शेवचिवडा असंच मिळे!बाहेरचं खाताना स्वच्छता,वापरलेले पाणी याची खात्री नसे.आता आरोग्यविभागातर्फे स्वच्छता,पाणी यांचे निकष तपासले जातात.रस्त्यावरचे खाणे आता खूपच कॉमन झालंय.कामांचे वाढलेले तास,धावपळ,करायला वेळ न मिळणं आणि भुकेच्या वेळी पटकन उपलब्ध असते म्हणूनही स्ट्रीट फूडची पसंती वाढतेय...तसंच वीकेंड मँनिया..हॉटेल्सपेक्षा स्वस्त आणि पोटभरीचे म्हणूनही या खाद्यपदार्थांना भरपूर मागणी असते.आज बनवलेले टोमॅटो ऑम्लेट मी तिरुपतीमधील एका स्टॉलवर पाहिले होते.आपल्याकडे डाळीचे पीठ आणि तांदळाचे पीठात टोमॅटो प्युरी,दही घालतात,पण फरमेंटेड नसते..डोशाच्या पीठाचेच असे थोडे वेगळे टॉमेटो ऑम्लेट चला...ट्राय करुया!👍