प्रथम भगर व साबुदाणा दोन्ही मोजून पथम साबुदाणा रवाळ वाटून मग त्यातच भगर घालून इंचरवर रवाळ वाटून घेतले. कारण दोन्ही एकाच वेळी घातल्यास साबुदाणा रवाळ होईपर्यंत भगरीचे पीठ होऊन जाईल व आपल्याला रवाळ मिश्रण पाहीजे.

आता एका वाडग्यात वरील मिश्रण घालून त्यात फेटलेले दही मीठ व पाणी घालून बॅटर तयार केले आणि पाच सात मिनिट फेटून घेतले व 20 मिनिट झाकून ठेवले.

आता भाजी तयार करण्यासाठी रताळ व तांबडा भोपळा स्वच्छ धुऊन साल काढून बारीक चिरून घेतले. मग गॅसवर पॅनमध्ये तूप गरम करून त्यात जीरे घालून फोडणी केली मग दोन्ही भाज्या घालून परतून झाकण ठेवून वाफ आणली.

नंतर त्यात तिखट, काळ मीठ जिरेपूड सर्व मिक्स करून थोडं पाणी घालून वाफवून घेतले.

आता इडलीपात्रात पाणी गरम करत ठेवले. इडली च्या बॅटर मध्ये बेकिंग सोडा घालून त्यावर किंचित पाणी घातले व हलक्या हाताने फेटून घेतले. व इडली स्टँड ग्रीसिंग करून त्यात वरील बॅटर थोडे थोडे घालून मग प्रत्येक साच्यात वरील सारणाचे छोटे छोटे चपटे गोळे प्रत्येक साच्यात ठेवून वरून परत इडलीचे बॅटर ओतले व अशाप्रकारे तयार केलेला स्टॅन्ड इडलीपात्रात ठेवून इडल्या वाफवून घेतल्या.