प्रथम 2 कप पालकाची पाने स्वच्छ पाण्याने चांगली धुवून घेतली. आणि बारीक चिरून घेतली.तसेच 3/4 कप बारीक कांदा चिरून घेतला.

मग एका बाउल मध्ये 1 कप बेसन घेतले. त्यात 2 चमचे तीळ, 1/2 चमचा भाजलेले जीरे,1/4 चमचा गरम मसाला, 1/2 चमचा बडीशेप, 1 चमचा धणे पावडर, बारीक चिरून घेतलेली हिरवी मिरची, 2 मोठे चमचे तांदळाचे पीठ घालून सर्व साहित्य एकत्र करून चांगले मिक्स करून घेतले.

नंतर त्यात 2 कप बारीक चिरलेला पालक, 3/4 कप बारीक चिरलेला कांदा एकत्र करून चांगले मिक्स करून घेतले. त्यानंतर त्यात थोडे थोडे पाणी घालून मिश्रण चांगले मिक्स करून घेतले.सर्वात शेवटी त्यात 1/2 छोटा चमचा बेकिंग सोडा टाकून संपूर्ण मिश्रण मिक्स करून घेतले.आणि झाकण ठेवून बाजूला ठेवून दिले.

मग आप्पे पात्र घेऊन ते गॅसवर गरम करण्यासाठी ठेवून दिले. त्या आप्पे पात्राला एका ब्रशने थोडे तेल लावून घेतले.जेणेकरून मिश्रण आप्पे पात्राला चिकटणार नाही.

आता आप्पे पात्राला पालक आणि बेसनाचे मिश्रण टाकून त्यावर झाकण ठेवून द्या. थोड्या वेळानंतर दुसऱ्या बाजूने सुद्धा सोनेरी रंगावर भाजून घेतले.

अश्या रीतीने कुरकुरीत पालक भजी सर्व्ह करण्यासाठी तयार आहेत. ही भजी कोणत्याही चटणी बरोबर खूप सुंदर लागतात. आपल्या आवडत्या चटणी बरोबर या भजीचा आस्वाद घ्या.