प्रथम 2 मोठे मेजरिग कप तांदुंळ 3-4 वेळा स्वच्छ पाण्याने धुऊन घेतले. आणि त्यात पाणी घालून 5-10 मिनिटे भिजवून ठेवले.

मग कुकरमध्ये भात 3 शिट्ट्या काढून शिजवून घेतला.

नंतर एका कढईत 2 मोठे चमचे तूप घालून ते चांगले गरम झाल्यावर त्यात 1 छोटा चमचा राई घालून ती चांगली तडतडल्यावर त्यात 1 मोठा चमचा लाल मिरची पावडर, 1/2 चमचा तिखट मसाला, 1/4 चमचा कांदा लसूण मसाला आणि 1 छोटा चमचा हळद घालून ते सर्व साहित्य चांगले परतून घेतले.

मग त्यात शिजवून घेतलेला 2 कप भात, थोडे तळलेले काजू, शिजवून घेतलेले 1 कप मटार, 1 उभा चिरून घेतलेला टोमॅटो आणि 100 ग्रॅम तळून घेतलेला पनीर घालून ते चांगले मिक्स करून घेतले. आणि चांगले परतून घेतले.

आणि आता सर्व्ह करण्यासाठी तयार आहे आपला गरमा गरम मटार,पनीर, तळलेले काजू घालून केलेला मटार पनीर मसाले भात. हा भात चवीला अतिशय सुंदर लागतो.