முட்டை குழம்பு

பெரிய வெங்காயம், தக்காளி, பச்சை மிளகாயை பொடியாக நறுக்கிக் கொள்ளவும்.

வாணலியில் எண்ணெய் ஊற்றி சூடான பின், கடுகு, மிளகு, பட்டை, ஏலக்காய், கிராம்பு சேர்த்து வதக்கவும்.

பின்பு பச்சை மிளகாய், கருலேப்பில்லை, துருவிய இஞ்சி, பூண்டு சேர்த்து வதக்கவும்.

இதனுடன் நறுக்கிய வெங்காயம் சேர்த்து நன்கு வதக்கவும்.

வெங்காயம் நன்கு வதங்கியதும் தக்காளி சேர்த்து வதக்கவும்

மஞ்சள் தூள், மிளகாய் தூள், மல்லித்தூள், பெருங்காயத்தூள் சேர்த்து கிளறவும்.

புளி கரைசல் மற்றும் தண்ணியான தேங்காய் பால் சேர்த்து கிளறி கொதிக்க விடவும்.

சிறிது கொதி வந்ததும் கெட்டியானதேங்காய் பால் சேர்த்து மிதமான சூட்டில் 5 நிமிடம் கொதிக்க விடவும்.

பின்பு வேகவைத்த முட்டைகளை சேர்த்து 5 நிமிடம் மிதமான சூட்டில் கொதிக்க வைத்து அடுப்பில் இருந்து இறக்கி வைக்கவும்.