பூசணிக்காயின் தோல் மற்றும் விதையோடு கூடிய நடுப்புற நார்ப்பகுதியை எடுத்துவிட்டு 2" அளவுள்ள துண்டுகளாக்கவும்

அடுத்து, ஒரு முட்கரண்டியின் உதவியோடு அத்துண்டுகளில் ஆங்காங்கே சிறிது துளையிடவும்

ஒரு அகன்ற பாத்திரத்தில் தண்ணீர் எடுத்து அதில் சுண்ணாம்பைக் கரைக்கவும். அதில் பூசணித் துண்டுகளை போட்டு 5-6 மணி நேரம் ஊறவிடவும்.

சுண்ணாம்பில் ஊறவைப்பதால் பூசணிக்காய்த் துண்டுகள் சிறிது கடினமாகும். உடையாமல் இருக்கும். இப்பொழுது தண்ணீரை முழுதாக வடிக்கவும்

ஒரு பாத்திரத்தில் தண்ணீர் ஊற்றி அதில் படிகாரம் சேர்த்து கரைத்து அடுப்பில் வைத்து கொதிக்க விடவும். அதில் பூசணித்துண்டுகளை போட்டு 10 நிமிடங்கள் வேகவைக்கவும். படிகாரம் சேர்ப்பதால் பூசணித்துண்டுகள் வெண்மையாகவே இருக்கும். பாக்டீரியா தொற்று ஏற்படாமலும் தடுக்கும்.

வேகவைத்த பூசணித்துண்டுகளை நன்றாக தண்ணீர் வடித்து எடுத்து, அதில் சர்க்கரை சேர்த்து 1 மணிநேரம் ஊற வைக்கவும். பிறகு பூசணித்துண்டுகளை மட்டும் தனியே வடித்தெடுக்கவும்.

வடித்து எடுத்த சர்க்கரைத் தண்ணீரை அடுப்பில் ஏற்றி கொதிக்க கொதிக்கவிட்டு 5 நிமிடங்கள் மிதமான தீயில் காய்ச்சவும். அதில் பூசணித்துண்டுகள் சேர்த்து 7 நிமிடம் குறைந்த தீயில் வேகவிடவும்.

நான்காம் நாள் அன்று வடித்த சர்க்கரை பாகில் குங்குமப்பூ மற்றும் ரோஸ் எசன்ஸ் சேர்த்து, அதில் பூசணித்துண்டுகளும் சேர்த்து காய்ச்சவும். இடையிடையே கரண்டி கொண்டு கிளறவும். சர்க்கரைப் பாகு நன்றாக வற்றி மிட்டாய்ப் பதம் வந்ததும் அடுப்பிலிருந்து இறக்கி கூலிங் ரேக்கில் வைத்து ஒரு நாள் ஈரப்பதம் போகும் வரை உலர்த்தவும். (குங்குமப்பூ சேர்க்காமலும் செய்யலாம். அல்லது உணவு நிறமிகள் பயன்படுத்தலாம்)

சுவையான ஆக்ரா பேத்தா தயார்

வியட்னாம் நாட்டிலும் பாரம்பரியமாய் இவ்வினிப்பை செய்வார்கள். ஒரே விதரதியாசம் அங்கு நீள நீளமான துண்டுகளாக செய்வார்கள்