உருளைக்கிழங்கை வேக வைத்து தோல் உரித்து மசித்துக் கொள்ளவும்.

பச்சை பட்டாணியை வேக வைத்து மசித்துக் கொள்ளவும்

வெங்காயம், பச்சை மிளகாயை பொடியாக நறுக்கிக் கொள்ளவும்.

ஒரு கைப்பிடி அவலைப் பொடித்து வைத்துக் கொள்ளவும்.

மீதமுள்ள அவலை கழுவி சுத்தம் செய்து 20 நிமிடம் ஊற விடவும்.

ஒரு பாத்திரத்தில் ஊற வைத்த அவல்,மசித்த உருளைக்கிழங்கு, மசித்த பச்சை பட்டாணி, பச்சை மிளகாய், வெங்காயம், இஞ்சி பூண்டு விழுது, தேவைக்கு உப்பும் சேர்த்து நன்றாகப் பிசைந்து விரும்பிய வடிவில் கட்லெட்களாக செய்து கொள்ளவும்.

சோள மாவில் சிறிது தண்ணீர் விட்டு கரைத்துக் கொள்ளவும்.

தோசைக்கல்லை அடுப்பில் வைத்து தேவையான அளவு எண்ணெய் ஊற்றி சூடானதும், கட்லெட்டுகளை கரைத்த சோள மாவில் முக்கி,பொடித்த அவலில் புரட்டி தோசைக் கல்லில் போட்டு இரண்டு பக்கமும் வெந்து பொன்னிறமாகும் போது எடுக்கவும்.

சூப்பரான அவல்-உருளைக்கிழங்கு கட்லெட் ரெடி.