அரிசி மாவு கார கொழுக்கட்டை (Arisi maavu kaara kolukattai recipe in Tamil)

அரிசிமாவில் தேவையான அளவு உப்பு சேர்த்து நன்கு கலக்கவும்.பின்பு வெதுவெதுப்பான நீரை சிறிது சிறிதாக மாவில் ஊற்றி கலக்கவும். இட்லி மாவு பதத்திற்கு கலக்கவும்.

ஒரு வாணலியில் தாளிக்க தேவையான அளவு எண்ணெய் சேர்த்து கடுகு சேர்த்து கடுகு பொரிந்ததும் கடலைப்பருப்பு உடைத்த உளுத்தம் பருப்பு ஆகியவற்றை சேர்த்து கிள்ளிய வரமிளகாய் பொடியாக நறுக்கிய கறிவேப்பிலை,பொடியாக நறுக்கிய வெங்காயம், நறுக்கிய பச்சை மிளகாய் ஆகியவற்றை சேர்த்து வதக்கவும்.

இப்பொழுது தண்ணீர் சேர்த்து கரைத்து அரிசிமாவை இந்த வெங்காய கலவையை சேர்த்து, இதனுடன் பொடியான தேங்காய் கீறல்களை சேர்த்து கொழுக்கட்டை பிடிக்கும் பதத்துக்கு வரும் வரை கிளறவும்.

இட்லி பானையில் தண்ணீர் சேர்த்து மாவை கொழுக்கட்டைகளாகப் பிடித்து ஆவியில் வேகவைத்து இறக்கவும். இப்பொழுது அருமையான அரிசி மாவு கார கொழுக்கட்டை தயார்😋😋😋

குறிப்பு : தேங்காய்,பொட்டுக்கடலை,பச்சை மிளகாய்,1துண்டு இஞ்சி உப்பு சேர்த்தரைத்த துவையல் கொழுக்கட்டைக்கு தொட்டுக்கொள்ள மிகவும் ருசியாக இருக்கும்.😋😋