பச்சரிசி, பாசிப்பருப்பு இரண்டையும் சேர்த்து நன்கு கழுவி தண்ணீர் வடித்து வைக்கவும். குக்கரில் ஒரு டேபிள்ஸ்பூன் நெய் விட்டு அரிசி பருப்பு இரண்டையும் சிறிது நேரம் வறுக்கவும். பிறகு 4 கப் தண்ணீர் ஊற்றி, தேவையான அளவு உப்பு சேர்த்து 4 விசில் விடவும்.

ஒரு கடாயில் 3 டேபிள்ஸ்பூன் நெய் விட்டு காய்ந்ததும் முதலில் பச்சை மிளகாயை வதக்கவும் பிறகு மிளகு, சீரகம், முந்திரி பருப்பு வறுத்தபிறகு கறிவேப்பிலை சேர்த்து வதக்கி குக்கரில் வேக வைத்துள்ள பொங்கலை கடாயில் சேர்த்து நன்கு கிளறவும்.

இப்போது சுற்றிலும் ஒரு டேபிள்ஸ்பூன் நெய் விட்டு இறக்கவும். கம கம பொங்கல் ரெடி. இதற்கு சாம்பார், தேங்காய் சட்னி நன்றாக இருக்கும். பாசிப்பருப்பு, நெய் சேர்த்ததுனால சத்தும் கூட.