வெங்காயம், தக்காளி, கேரட், உருளைக்கிழங்கு இவற்றை பொடியாக நறுக்கி வைக்கவும். பாசிபருப்பை கழுவி குக்கரில் தண்ணீர் விட்டு வெங்காயம், தக்காளி, கேரட், உருளைக்கிழங்கு சேர்த்து மஞ்சள்தூள் சேர்த்து ஒரு விசில் விட்டு சிம்மில் 5 நிமிடம் வைக்கவும்.

குக்கரில் விசில் போனதும் முக்கால் பதம் வெந்த பருப்பை கரண்டியால் கிளறி வேறு பாத்திரத்தில் மாற்றி சிம்மில் வைக்கவும் ‌.

தேங்காய் துருவி எடுத்துக் கொள்ளவும். பச்சை மிளகாயை நீளவாக்கில் கீறி வைக்கவும். பூண்டு பல் தோலுரித்து எடுத்து கொள்ளவும். ஒரு கடாயில் எண்ணெய் ஒரு டேபிள்ஸ்பூன் எண்ணெய் விட்டு காய்ந்ததும் முதலில் பச்சை மிளகாயை சேர்த்து நன்கு வதக்கவும் நிறம் மாறும் வரை வதக்கவும்.

பிறகு பூண்டு சேர்த்து நன்கு வதக்கவும். பின் தேங்காய் துருவல் சேர்த்து வதக்கவும்.

கடைசியாக சோம்பு கிராம்பு சேர்த்து வதக்கவும். நன்கு சிவக்க வறுக்கவும். பிறகு ஆற‌ விடவும்.

ஆறியதும் மிக்ஸியில் நைஸாக அரைக்கவும்.

இப்போது சிம்மில் இருக்கும் பருப்பில் உப்பு, மல்லித்தூள் சேர்த்து நன்கு கலந்து கிளறி விடவும். ஒரு டம்ளர் தண்ணீர் விட்டு நன்றாக கொதிக்க விடவும்

பிறகு அரைத்த தேங்காய் விழுது சேர்த்து நன்கு கலந்து கிளறி விடவும்

கொதி வந்ததும் சிம்மில் வைக்கவும். பிறகு ஒரு கடாயில் எண்ணெய் விட்டு காய்ந்ததும் பட்டை பூ இலை தாளித்து சோம்பு, வெந்தயம் தாளித்து கறிவேப்பிலை சேர்த்து தாளித்து கொதிக்கும் பாத்திரத்தில் சேர்த்து கிளறி அடுப்பை அணைத்து விடவும். இறுதியாக கொத்தமல்லி இலை தூவி பரிமாறவும். இட்லிக்கு நல்ல சைட் டிஷ். வீட்டில் விசேஷங்களுக்கு இந்த கடப்பா ருசியாகவும் இருக்கும்.