சத்தான முளைகட்டிய பாசிப்பயறு இட்லி

முதலில் பாசிப்பயறை கழுவி ஊற வைக்கவும். 6 மணி நேரம் ஊறவைக்கவும்.

ஊறியபின் அதனை தண்ணீர் வடிய விடவும்.

பிறகு ஹாட்பாக்சில் போட்டு நன்கு மூடி வைக்கவும். 8 மணி நேரம் இருக்கவும்

8 மணி நேரம் கழித்து திறந்தால் பயறு நன்கு முளை விட்டிருக்கும். நாம் ஊற வைக்கு முன் இருந்த அளவை விட இப்போது கொஞ்சம் அதிகமாகவே இருக்கும்.

1 கப் பயறு மட்டுமே நாம் எடுத்துக் கொள்ளவும்

1/4 கப் உளுந்தை 2 மணி நேரம் ஊறவைக்கவும்

2 மணி நேரம் கழித்து ஊறிய உளுந்தை தண்ணீர் வடித்து மிக்ஸியில் அரைக்கவும். நன்கு நைசாக, கெட்டியாக அரைத்து தனியே எடுத்து கொள்ளவும். தேவை என்றால் தண்ணீர் ஊற்றி அரைக்கவும்.

பிறகு முளைகட்டிய பயறு ஒரு கப் எடுத்து அதனையும் நைசாக, தேவையான அளவு தண்ணீர் ஊற்றி கெட்டியாக அரைக்கவும்.

பிறகு இரண்டையும் உப்பு சேர்த்து கையால் கரைத்து 5 முதல் 6 மணி நேரம் புளிக்க விடவும். 6 மணி நேரம் மட்டுமே போதுமானது. ஏனெனில் முளைகட்டிய பயறு ஆதலால்

இப்போது நன்கு மாவு பொங்கி எழும்பி இருக்கும்.

கேரட்டை தோல் சீவி துருவி எடுத்துக் கொண்டு அதனை மாவில் கலக்கவும்.

இட்லி சட்டியில் தேவையான அளவு தண்ணீர் ஊற்றி அடுப்பில் வைக்கவும். இட்லி தட்டில் ஒவ்வொரு குழியிலும் 2 சொட்டு நல்லெண்ணெய் விட்டு விரலால் குழி முழுவதும் தடவி விடவும். (துணி வைத்தும் இட்லி ஊற்றலாம்)

பிறகு மாவை இட்லிகளாக ஊற்றவும் ‌. மாவை அடித்து கலக்காமல் அப்படியே இட்லிகளாக ஊற்றவும். 10 முதல் 12 நிமிடம் வரை வேகவிடவும்.

பிறகு வெந்ததும் வெளியே எடுத்து சிறிது ஆறியதும் எடுக்கவும்

சத்தான சுவையான முளைகட்டிய பாசிப்பயறு இட்லி. செய்து பரிமாறுங்கள்.