அரிசிகள் இரண்டையும் கலந்து ஊற வைத்துக் கொள்ளவும்.உளுத்தம்பருப்பை வெந்தயம் சேர்த்து தனியாக ஊற வைத்துக் கொள்ளவும்.நான்கு அல்லது ஐந்து மணி நேரம் ஊற வேண்டும். ஊறிய அரிசி பருப்பு இரண்டையும் தனித்தனியாக கரகரப்பாக அரைத்துக் கொள்ளவும் பிறகு இரண்டையும் சேர்த்து கலந்து எட்டு மணி நேரம் புளிக்க விடவும்.o

கடாயில் நல்லெண்ணெய் அல்லது நெய் இரண்டு ஸ்பூன் சேர்த்து, கடுகு தாளித்து விடவும். கடுகு பொரிந்தவுடன், பச்சை மிளகாய் சேர்க்கவும். ஒன்றிரண்டாக நுணுக்கிய மிளகு சீரகத்தை சேர்க்கவும், பிறகு முந்திரிப் பருப்பை சேர்த்து சிவக்க விடவும். அதன் பிறகு கருவேப்பிலை சேர்க்கவும். அடுப்பை நிறுத்திய பின் சுக்குப் பொடி சேர்க்கவும். எல்லாவற்றையும் மாவில் சேர்க்கவும். உப்பு சேர்த்து நன்கு கலந்து கொள்ளவும்.

சிறிய கப் அல்லது டம்ளர்களில் நெய் தடவி, அரை அளவிற்கு மாவை ஊற்றி, இட்லி தட்டில் வைக்கவும். பின்னர் இட்லி பானையில் தண்ணீர் ஊற்றி,இட்லி தட்டை வைத்து, மூடி போட்டு வேக விடவும், 20 நிமிடங்கள் வரை வேக வேண்டும். இட்லி வெந்து விட்டதா என்று ஒரு கம்பியில் குத்தி பார்த்து,ஆறவிட்டு ஸ்பூனில் எடுக்கவும். சுவையான காஞ்சிபுரம் இட்லி தயார். தொட்டுக்கொள்ள சட்னி-சாம்பார், அல்லது பொதினா சட்னி கொத்தமல்லி சட்னி எது வேண்டுமானாலும் செய்து கொள்ளலாம். தொட்டுக்கொள்ள வடகரி மிகவும் பொருத்தமாக இருக்கும்.