நெல்லிக்காய் சாதம்

முதலில் நெல்லிக்காய்களை நன்கு கழுவிவிட்டு துருவி எடுத்துக் கொள்ளவும். தேங்காயையும் துருவி நெல்லிக்காய்துருவல் இருக்கும் அதே அளவிற்கு சமமாக தேங்காய் துருவலையும் எடுத்துக்கொள்ளவும்.

தேவையான பொருட்களை எடுத்துக் கொள்ளவும். ஒரு கடாயில் எண்ணெய் ஊற்றி நன்கு காய்ந்ததும் கடுகு உளுந்து தாளிக்கவும்

பிறகு கடலைப் பருப்பை சேர்த்து வறுக்கவும். கடலைப்பருப்பு சிறிது சிவந்ததும் நிலக்கடலையை சேர்த்து வறுக்கவும்

பிறகு பச்சை மிளகாயை சேர்த்து மிளகாய் வெள்ளையாக வதங்கும் வரை வதக்கி கறிவேப்பிலையை சேர்த்து விடவும்.

பிறகு நெல்லிக்காய் துருவலை சேர்த்து அடுப்பை மிதமான தீயில்
வைத்து 5 நிமிடம் வரை நன்கு வதக்கிக் கொண்டு இருக்கவும்.

பிறகு தேங்காய் துருவலை சேர்த்து 3 நிமிடங்கள் வரை கிளறவும்

பிறகு மஞ்சள்தூள் சேர்த்து நன்கு வதக்கவும்

பிறகு உதிரியாக வடித்த ஒரு கப் சாதத்தை அதில் சேர்த்து நன்கு கிளறவும்

பிறகு உப்பு தேவையான அளவு சேர்த்து அடுப்பை மிதமான தீயிலேயே வைத்து 5 நிமிடங்கள் வைத்து இறக்கி சூடாக பரிமாறவும்

நெல்லிக்காய் சாதம் மிகவும் சத்தானது, சுவையானது, எதிர்ப்பு சக்தி உள்ளது. இதற்கு ஏதாவது ஒரு துவையல் வைத்து சாப்பிட்டால் சுவையாக இருக்கும்.