செட்டிநாடு பேலஸ் ஸ்டைல் கருவேப்பிலை பூண்டு குழம்பு

கடாயில் சிறிது எண்ணெய் சேர்த்து பூண்டு மற்றும் கருவேப்பிலையை தனித்தனியே பொன்னிறமாக வறுத்து, அதை மிக்ஸியில் தனித்தனியே விழுதாக அரைத்துக் கொள்ளவும்.

கடாயில் நல்லெண்ணெய் விட்டு கடுகு காய்ந்த மிளகாய் தாளித்து, பொடியாக நறுக்கிய வெங்காயம் மற்றும் பூண்டு சேர்த்து பொன்னிறமாக வரும் வரை வதக்கி, பின்பு அதில் தக்காளியை சேர்த்து வதக்கவும். தக்காளி வதங்கியதும் அதில் தேவைக்கேற்ப உப்பு,மஞ்சள்தூள்,தனியா பொடி,மிளகாய்த்தூள் சேர்த்து வதக்கி, நிறம் மாறும் முன் ஒரு கப் தண்ணீர் சேர்த்து கொதிக்கவிடவும்.

குழம்பு கொதி வந்ததும் கரைத்த புளி மற்றும் வெல்லம் சேர்த்து 10 நிமிடம் மிதமான தீயில் பச்சை வாசனை போகும் வரை கொதிக்க வைக்கவும்.

பச்சை வாசனை போனவுடன் அரைத்த பூண்டு விழுது மற்றும் கருவேப்பிலை விழுதை சேர்த்து குழம்பை 5 நிமிடம் கொதிக்க விடவும்.