முதலில் வெண்டைக்காயை நன்கு கழுவி சுத்தம் செய்து தண்ணீர் இல்லாமல் நன்றாக துடைத்து வைக்கவும். பிறகு இதை ஓரளவு நீளமாக நறுக்கி வைத்துக் கொள்ள வேண்டும். வானலில் எண்ணெய் ஊற்றி இந்த காயை சேர்த்து நன்கு வழவழப்பு தன்மை போகும் வரை வதக்கி தனியாக எடுத்து வைக்கவும்.

புளியை சிறிதளவு தண்ணீர் ஊற்றி நன்கு அலசி விட்டு தேவையான அளவு தண்ணீர் ஊற்றி ஊற வைத்து கொள்ளவும். வானலில் நல்லெண்ணெய் ஊற்றி காய்ந்ததும் கடுகு, சீரகம், வெந்தயம் தாளித்து வெங்காயம், கறிவேப்பிலை சேர்த்து நன்கு வதக்கவும்.

பிறகு தக்காளி, மஞ்சள் தூள், உப்பு சேர்த்து நன்கு மசித்து விட்டு வதக்கி மிளகாய் தூள், குழம்பு பொடி சேர்த்து நன்றாக வதக்கவும்.பிறகு வதக்கி வைத்து உள்ள வெண்டைக்காய் இதில் சேர்த்து கிளறி விடவும்.

பின்னர் புளியை நன்கு கரைத்து வடிகட்டி கரைசலை எடுத்து இதில் ஊற்றி கலந்து உப்பு, காரம் சரிபார்த்து கொதிக்க விடவும்.தண்ணீர் வற்றி எண்ணெய் பிரிந்து வரும் போது சிறிதளவு வெல்லம் சேர்த்து கிளறி இறக்கவும். நன்றி