முதலில் புளியை தண்ணீரில் லேசாக அலசி எடுத்து தேவையான அளவு தண்ணீர் ஊற்றி ஊற வைத்து கொள்ளவும். பிறகு அப்பளத்தை எண்ணெய்யில் போட்டு பொரித்து எடுத்து கொள்ளவும். வானலில் நல்லெண்ணெய் ஊற்றி காய்ந்ததும் கடுகு, சீரகம், வெந்தயம் தாளித்து வெங்காயம், கறிவேப்பிலை, பூண்டு பல் சேர்த்து வதக்கவும்.

பிறகு தக்காளி, உப்பு, மஞ்சள் தூள் சேர்த்து நன்கு வதக்கவும். தக்காளி வதங்கியதும் குழம்பு பொடி சேர்த்து வதக்கி புளி கரைத்து வடிகட்டி கரைசலை ஊற்றவும். அப்பளத்தில் சற்று உப்பு இருப்பதால் உப்பு பார்த்து சேர்த்து கொள்ளவும்.உப்பு, காரம் சரிபார்த்து கொதிக்க விடவும்.

குழம்பு எண்ணெய் பிரிந்து வந்ததும் அப்பளத்தை சிறு சிறு துண்டுகளாக உடைத்து குழம்பில் சேர்த்து கொள்ளவும். தேவைப்பட்டால் சிறு துண்டு வெல்லம் சேர்த்து கிளறி விட்டு இறக்கவும். வித்தியாசமான சுவையில் அப்பள குழம்பு தயார். நன்றி