எக் பிரெட் பீட்ஸா

வானலில் எண்ணெய் ஊற்றி வெங்காயம், தக்காளி, குடைமிளகாய், சிறிதளவு உப்பு சேர்த்து லேசாக வதக்கி எடுத்து கொள்ளவும்.மிக்ஸியில் பிரெட் துண்டுகள் சேர்த்து நன்கு அரைத்து எடுத்து கொள்ளவும்.

ஒரு பவுலில் முட்டை உடைத்து ஊற்றி உப்பு, மிளகு தூள் சேர்த்து நன்கு அடித்துக் கொள்ளவும்.தேவையான அளவு சீஸ் துருவி தனியாக வைக்கவும்.

அடுப்பில் ஒரு பேன் வைத்து சுற்றி எண்ணெய் ஊற்றி இதில் அடித்த முட்டையை ஊற்றி கொள்ளவும். பிறகு பிரெட் தூள்களை முட்டை எல்லா பக்கத்திலும் படும் படி நன்றாக தூவி கொள்ளவும்.

முட்டை அடிப்பகுதி வெந்ததும் திருப்பி போட்டு கொள்ளவும். அடுப்பை குறைந்த அளவு வைத்து முட்டை மேல் டோமேட்டோ கெட்ச்அப் சேர்த்து நன்கு தடவி கொள்ளவும்.இதன் மேல் சீஸ் துருவல் சேர்த்து கொள்ளவும்.

பிறகு இதன் மேல் வதக்கி வைத்த காய்களை மற்றும் பூண்டு பல் இவற்றை பரவலாக போட்டு சிறிதளவு ஓரிகனோ சேர்த்து கொள்ளவும்.மறுபடியும் சீஸ் துருவல், ஓரிகனோ, சில்லி பிளேக்ஸ் சேர்த்து கொள்ளவும்.

இதனை மூடி வைத்து வேக வைக்கவும். சீஸ் முழுவதும் நன்கு உருகி வரும் வரை வேக வைத்து எடுக்கவும். ஆரோக்கியமான முறையில் சுவையான எக் பிரெட் பீட்ஸா தயார். நன்றி