கம்பு பச்சரிசி இட்லி அரிசி துவரம்பருப்பு நான்கையும் ஒன்றாக கலந்து கழுவி நான்கு மணி நேரம் ஊற வைக்கவும். சிறிய வெங்காயம் உரித்து கழுவி வைக்கவும். தேங்காய் அரை மூடி துருவி வைக்கவும் மிக்ஸி ஜாரில் துருவிய தேங்காய் வர மிளகாய் மஞ்சள்தூள் பெருங்காயம் உப்பு மிளகு சீரகம் கறிவேப்பிலை கொத்தமல்லி தழை போட்டு மைய அரைக்கவும். வெங்காயத்தை தனியாக ஜாரில் போட்டு ஒரு சுற்று மட்டும் சுற்றி எடுக்கவும். கொரகொரப்பாக வெங்காயம் இருக்க வேண்டும்.

. கிரைண்டரில் கம்பு புழுங்கல் அரிசி பச்சரிசி துவரம்பருப்பு நான்கையும் போட்டு மைய அரைத்து எடுக்கவும். மிக்ஸியில் அரைத்த வெங்காயம் வரமிளகாய் கறிவேப்பிலை தேங்காய் விழுதையும் கிரைண்டரில் போட்டு நன்கு நன்கு கலக்கும் வரை இரண்டு நிமிடம் கிரைண்டர் ஓட விடவும். மாவை எடுத்து ஐந்து மணி நேரம் புளிக்க விடவும். வெங்காயம் கொரகொரப்பாக இருந்தால் நன்றாக இருக்கும். கம்பு தோசை மாவு தயார். தவாவில் எண்ணெய் விட்டு சிறிது கனமான தோசையாக சுடலாம். மெல்லிய தோசை யாவும் சுடலாம். தொட்டு சாப்பிட பொட்டுக்கடலை சட்னி ஏற்றது.