இட்லி அரிசி கடலைப்பருப்பு இரண்டையும் நன்கு கழுவி மூன்று மணி நேரம் ஊறவைக்கவும். அதனுடன் வரமிளகாய் உப்பு சேர்த்து மிக்ஸியில் அரைக்கவும். அரைத்த விழுதுடன் 4 ஸ்பூன் கெட்டி தயிர் ஒரு சிட்டிகை மஞ்சள் தூள் ஊற வைத்த ஜவ்வரிசி பொடியாக நறுக்கிய தேங்காய் அனைத்தையும் கலக்கவும். பச்சரிசி மாவு 4 ஸ்பூன் சேர்த்து கடுகு உளுந்து கருவேப்பிலை தாளித்துக் கொட்டவும்.

மாவு கெட்டியாக இருக்க வேண்டும். வாணலியில் எண்ணெய் ஊற்றி காய்ந்ததும் அரைத்த மாவை கரண்டியில் எடுத்து ஊற்றவும். ஒன்று ஊற்றியதும் மேலே எழும்பி வரும். அடுத்தது இன்னொன்று ஊற்றவும். வெந்து வரும் போது அடுப்பை சிம்மில் வைத்து முறுகலாக சுட்டு எடுக்கவும் சுவையான மோர் வடை தயார்.