வெங்காய பக்கோடா /Onion Pakoda

பெரிய வெங்காயம் 3 தோல் நீக்கி கழுவி நீள வாக்கில் நறுக்கி பிரித்து வைக்கவும். பச்சை மிளகாய் 4 நீள வாக்கில் நறுக்கி கழுவி விதை நீக்கி, சோம்பு 1 டீஸ்பூன்,1 சிட்டிகை பெருங்காயம்,1 டீஸ்பூன் மிளகாய் தூள்,உப்பு, நறுக்கிய கொத்தமல்லி தழை,கருவேப்பிலை எடுத்து வைக்கவும்.இவை அனைத்தையும் நறுக்கிய வெங்காயத்தில் சேர்த்து பிசைந்து வைக்கவும்.

பிசைந்து வைத்ததில் கடலை மாவு 1/2 கப்,அரிசி மாவு 1/4 கப், லேசாக தண்ணீர் தெளித்து பிசைந்து வைக்கவும்.

கடாயில் தேவையான அளவு ஆயில் ஊற்றி,சூடு ஆனவுடன் 1 டேபிள் ஸ்பூன் காய்ச்சிய ஆயிலை பிசைந்த மாவு மேலே ஊற்றவும்.நன்கு கலக்கி விட்டு சிறிது சிறிதாக பிசைந்த வெங்காய பக்கோடா மாவை கையில் எடுத்து எண்ணெயில் சேர்த்து பொன்னிறமாக பொரித்து எடுக்கவும்.

பொரித்து எடுத்த வெங்காய பக்கோடாவை டிஸ்ஸு பேப்பரில் வைத்து ஆயில் வடிந்தவுடன் பரிமாறவும்.சுவையான வெங்காய பக்கோடா ரெடி.😋😋