தக்காளி சாம்பார்

முதலில் ஒரு வாணலியில் ஒரு ஸ்பூன் எண்ணெய் சேர்த்து காய்ந்தவுடன், அரை ஸ்பூன் கடுகு, அரை ஸ்பூன்உளுத்தம் பருப்பு, கருவேப்பிலை சேர்த்து தாளித்து கொள்ளவும். பொடியாக நறுக்கிய ஒரு பெரிய வெங்காயத்தை அதில் சேர்த்து கீறிய இரண்டு பச்சை பச்சை மிளகாயையும் சேர்த்து வதக்கவும். அறிந்த 3 தக்காளியை மிக்ஸியில் சேர்த்து விழுதாக நன்கு அரைத்துக் கொள்ளவும். இந்த விழுதை நன்கு வதங்கிய வெங்காயத்துடன் சேர்த்து பச்சை வாசம் போகும் வரை வதக்கிக் கொள்ளவும்.

இதற்கிடையில் மிக்ஸியில் துருவிய 5 ஸ்பூன் தேங்காய் துருவல் அரை ஸ்பூன் சோம்பு, ஒரு பட்டை, 3கிராம்பு, 2 ஸ்பூன் கசகசா, இரண்டு ஸ்பூன் பொட்டுக்கடலை, அரை ஸ்பூன் கரம் மசாலாத்தூள், ஒரு ஸ்பூன் வரக்கொத்தமல்லி தூள், அரை ஸ்பூன் மஞ்சள் தூள்,நறுக்கிய ஒரு இஞ்சித் துண்டு, 6 பல் பூண்டு சேர்த்து சிறிது தண்ணீர் விட்டு நைசாக அரைத்துக் கொள்ளவும்.

வெங்காயம் தக்காளி நன்கு வதங்கியவுடன் அதில் ஒரு ஸ்பூன் சாம்பார் தூள், தேவையான அளவு உப்பு நேத்து, ஒரு நிமிடம் வதங்கியபின் தேவையான அளவு தண்ணீர் சேர்த்து கொதிக்கவிட்டு வெங்காயம் வேகும் வரை மூடி வைக்கவும்.

5 நிமிடம் கழித்து அரைத்து வைத்த தேங்காய் விழுதை சேர்த்து ஒரு கொதி விடவும். தண்ணீர் தேவையான அளவு சேர்த்துக் கொள்ளவும். கடைசியாக நறுக்கி வைத்த கொத்தமல்லித்தழை, சிறிது கறிவேப்பிலை சேர்த்து நன்கு கலக்கி விடவும். தக்காளி சாம்பார் இட்லி தோசைக்கு தொட்டுக் கொள்ள சுவையாக இருக்கும். பூரி,சப்பாத்திக்கும் தொட்டுக் கொள்ளலாம். லஞ்ச் பாக்ஸ் குழம்பு ஆகும்.