கேரட்டை தோல் சீவி விட்டு துண்டுகளாக நறுக்கிக் கழுவி எடுத்துக் கொள்ளவும்.

ஒரு குக்கர் அடுப்பில் வைத்து அதில் அரை கப் தண்ணீர் ஊற்றி அதில் கேரட்டை போட்டு ஒரு விசிலில் வேக வைத்து எடுக்கவும்.

வெந்த கேரட்டை வடிகட்டியில் வடித்து ஆற விடவும்.

கேரட் சூடு ஆறியதும் மிக்ஸி ஜாரில் போட்டு சிறிது பால் சேர்த்து பேஸ்ட் ஆக அரைத்து எடுக்கவும்.

ஒரு பேன் அடுப்பில் வைத்து 2 கப் பால் ஊற்றி கொதிக்க விடவும்.

பால் நன்றாக கொதித்ததும் தீயை குறைத்து வைக்கவும்.

கொதித்த பாலில் சீனியும், மில்க் மெய்டும் சேர்த்து நன்றாக மிக்ஸ் செய்யவும். இதனுடன் வெனிலா எஸ்ஸென்ஸ் சேர்க்கவும்.

பின்னர் இதனுடன் அரைத்து வைத்திருக்கும் கேரட் பேஸ்டை சேர்த்து லோ ஃப்ளேமில் நன்றாக மிக்ஸ் பண்ணவும்.

பிறகு, அகர் அகர் பொடியில் சிறிது தண்ணீர் சேர்த்து நன்றாக கலக்கி இதனுடன் சேர்த்து மிக்ஸ்‌ பண்ணவும்.

புட்டிங் நன்றாக மிக்ஸ் ஆகி குறுகி வரும் போது அடுப்பை அணைத்து விடவும்.

நாம் விரும்பும் வடிவங்களில் உள்ள கிளாஸ் அல்லது ட்ரேயில் ஊற்றி ஆற வைக்கவும்.

சூடு நன்றாக ஆறியதும் ஃப்ரிட்ஜில் ஆறு மணி நேரம் குளிர வைத்து சாப்பிடவும்.

மிகவும் சுவையான கேரட் புட்டிங்‌ ரெடி.